Loosing Our Identities..

Few days back..i had a long discussion with my class fellow on the same topic..She was of view that what is need of studying again and again this concept of two nation theory..blah blah

Aur buhat afsoos se mera yeh kehna hay ke sirf wohi nahi,main jiss no’javaan nasal ka hisa hoon..yahan buhat se talba issi baat per asraar karte hain key inn do qaumi nazriyat ka baar baar tazkara lanay ka kya faida jab aik dafa hum ne yeh mulk hasil kar liya..Jab humara maqsad poora ho gaya tow iss nazriye ko baar baar dohranay ka kya faida..Yeh tow haal hay humara ke hum abb apni shanakht ko bhi shak ki nazar se dekhnay lag gaye..Humain apni pehchaan per bhi shak hone lag gaya hay aur hum apne wajood ki dastaan se he uktaa gaye hain..Aaj jinn azaad fiza’oon main hum sans lay rahe hain iss ke zaray zaray main jo kahaniyaan poosheda hain unko manane se he inkaar kar diya hay..Apni azaadi ki dasstan ke munkar ban ke baray fakhar se hum kya phir bhi yeh kehlanay ka haq rakhte hain ke haan main bhi aik PAKISTANI hoon…Lolz…Kya hum uss Pakistan ka hisa thehraye jane ke kabil hain jo humare rehnum’aoon ne qurbaniyaan day day ke aur apna sab kuch daoo per laga ke hasil kiya tha..Kya hum uss mitti ka haq adaa kar rahe hain jiss ka zara zara humain shuha’daa ke nazranoon ke baray main bata raha hay?

Sir Syed Ahmed Khan ne kaha tha ke “Hakoomat riayah ki tabeyh hoti hay,riayah hakoomat ki nahin” Humaree hukoomat itnee daida daleri se yeh sab kuch nafiz kar rahee hay kyunke humaree riayah he ke nazriyaat badal gaye hai..Waqt ki lapait main aa ke hum sab apni shanakht khootay chalay jaa rahe hain..

Kaha jata hay ke no’javan kissi bhji mulk ka sarmaya hote hain kyunke wo uss mulk ke aanay wale mustaqbil ki tarjumani karte hain..Unke khiyalat uss mulk ke saath hone wale waqiyat ki akaasi karte hain..Yeh sab kuch janane aur dekhnay ke ba’ad hum kya Qaid ke Pakistan ko barqaraar rakh sakain gay…

Hamaray ‘Rehnuma’ nay bhi to kaha hai kay ‘Pakistan Studies kay syllabus main say woh SAB KUCH hata diya jaaye ga jo ghair muslimo’n kay khilaaf hai aur taas’sub phela raha hai’. Aur yeh bhi kay ‘Barr-e-Sagheer main muslamaano’n ki hinduo’n say alehdgi ki wajah mazhabi iqdaar main tazaad nahin bulkay ma’aashi masaail thay.’

I was reading a comment on this today key “Ham main say shayad kisi ko bhi pata nahi hoga kay hamara ‘rehnuma’ itna aala zarf aur itnay buland khayalaat ka maalik hai kay siray say Pakistan kay wajood main aanay ki taujeehat aur tareekh hi badalna chahta hai. Apnay iqtidaar ko bachanay kay liye mulki waqar ko hi daao par lagana chahta hai. Qaumain apni tareekh say seekhti hain, un par fakhar kartii hain aur ham apnay mulki tashakkhus aur wajah-e-wajood ko hi badalnay chalay hain. ”

..Naseem Hijazi ka kehna hay ke “Kissi bhi mulk ka maazi usska aa’ena hota hay jiss main vo dekh kar apne haal aur baaji ka mavajana kar sakain..aur yehi mavazana unko aagay barhane main madad deta hay” Aur hum tow khud he apni bunyadain khookhlee karne per tullay hoyee hain..Vo shajar phal kesay dey jiss ke tanay khizaan ki alamat ban rahe hoon….Aur yeh sab hone ke bavajood bhi abhi bhi humara manana sirf yehi rehta hay ke “NAYA hay daur PURANE charaagh GUL kar do”..

Haif sad haif..Agar hum apni pehchan ke peechay younhi paray rahe tow phir wo waqt door nahi jab hum saraseemgi ke aalam main aik la-hasil manzil ki janib qadam barhayen gay..

Advertisements

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s